'960900'ത്തില് ഒരു ചതിക്കുഴി ഒളിഞ്ഞിരിക്കുന്ന

റിങ്ടോണ്കേട്ട് മൊബൈല്ഫോണ് ചെവിയിലേക്ക് ചേര്ക്കുംമുമ്പ് ഒരുമിനിറ്റ് ശ്രദ്ധിക്കുക. അല്ലെങ്കില് ഒരുപക്ഷേ, വിചാരിച്ചിരിക്കാതെ ധനനഷ്ടമാവും ഫലം. 960900 എന്ന് ആരംഭിക്കുന്ന നമ്പറുകളില്നിന്നുവരുന്ന കോളുകള് സ്വീകരിക്കുകയോ മിസ്കോളുകള്ക്ക് മറുപടിനല്കാനായി ഡയല്ചെയ്യുകയോ അരുതെന്നുകാണിച്ച് ബി.എസ്.എന്.എല്. അറിയിപ്പ് പുറത്തിറക്കി.കഴിഞ്ഞദിവസങ്ങളിലായി ഒട്ടേറെപേര്ക്കാണ് ഈ നമ്പറില്നിന്ന് തുടങ്ങുന്ന ഫോണ്വിളികളില്ക്കുടുങ്ങി പണം നഷ്ടപ്പെട്ടത്. പലരുടെയും നൂറുരൂപയോളം വരുന്ന സംസാരസമയം നഷ്ടപ്പെട്ടെങ്കിലും പരാതിപ്പെടാന്പോലുമാവാത്ത അവസ്ഥയിലാണ്. ഈ നമ്പറില് നിന്നുവരുന്ന ഫോണ്കോളുകള്ക്ക് മറുപടിപറയാന് ശ്രമിക്കുമ്പോള് മിനിറ്റുകള്നീളുന്ന അവ്യക്തശബ്ദങ്ങളാവും കേള്ക്കുക. ഇതിന് ചെവിയോര്ക്കുന്ന ഓരോ സെക്കന്റും ഉപഭോക്താവിന്റെ പണം നഷ്ടപ്പെടും. അന്താരാഷ്ട്രതലത്തില് പ്രവര്ത്തിക്കുന്ന ഒരു തരികിട സംഘമാണ് ഇതിനുപിന്നിലെന്നും ഉപഭോക്താക്കള്ക്ക് പണംനഷ്ടമാകുമെന്നും ബി.എസ്.എന്.എല്. ഓഫീസില് സ്ഥാപിച്ച മുന്നറിയിപ്പ് പറയുന്നു