സംവിധായകനൊപ്പം ചുറ്റിക്കറങ്ങിയ നായിക

ഇന്ത്യന് സിനിമയ്ക്ക് ശ്രീലങ്ക നല്കിയ ഒരു സമ്മാനമാണ് ജാക്വിലിന്. അംഗലാവണയത്തില് ധാരാളിത്തം. അഭിനയിക്കാനും മിടുക്കിയാണ്. പക്ഷേ, സമീപകാലമായി പുള്ളിക്കാരി ഭയങ്കരമായ ദേഷ്യത്തിലാണ്. ബോളിവുഡ്ഡിലെ നിര്മാതാവായ സജീദ് ഖാനാണ് കാരണമെന്ന് ബോംബെ സിനിമാവൃത്തങ്ങള് പറയുന്നു. അടുത്തകാലത്തായി ജാക്വിലിന് സജീദുമായി പല സ്ഥലങ്ങളിലും വെളിപ്പെട്ടത് പരമസത്യമാണെങ്കിലും അതൊരു പ്രണയസല്ലാപമായിരുന്നില്ല എന്നും, ഒരു രസത്തിനു വേണ്ടി ചുറ്റിക്കറങ്ങിയതാണെന്നും മറ്റുമാണ് ജാക്വിലിന്റെ ഭാഷ്യം. ''ഞാനൊരാളിനെ പ്രണയിച്ചാല് അത് നിഷേധിക്കുന്ന സ്വഭാവം എനിക്കില്ല. പ്രണയം എന്നത് ഹൃദയഹാരിയായ ഒരു വികാരമാണ്. ഞാനങ്ങനെ ഏതെങ്കിലും പ്രണയത്തില് കുടുങ്ങിപ്പോയിട്ടുണ്ടെങ്കില് അക്കാര്യം തുറന്ന് പറയുന്നതില് എനിക്ക് യാതൊരുവിധ സങ്കോചവും ഇല്ല. പക്ഷേ, ഇതെക്കുറിച്ച് വിശദമായി പറയേണ്ടതായി വരുമ്പോഴാണ് എനിക്ക് ദേഷ്യം വരുന്നത്. ഇമ്മാതിരിയുള്ള വൃത്തികെട്ട സ്വകാര്യതയെക്കുറിച്ച് മുഖത്തുനോക്കി പച്ചയായി ചോദിക്കുമ്പോള്- അതും തികഞ്ഞ അപരിചിതരാണ് ഇത്തരം ചോദ്യങ്ങള് എന്റെ നേരില് ഉന്നയിക്കുന്നത്. എന്റെ വിവാഹനിശ്ചയം കഴിഞ്ഞുവെന്നും ഉടനെ വിവാഹം നടക്കുമെന്നും ഒക്കെ പറഞ്ഞുപരത്തുന്നത് അടിസ്ഥാനരഹിതമാണ്്. അഥവാ അങ്ങനെയാണെങ്കില് ഞാന് എല്ലാ പേരെയും നേരില് കണ്ട് ക്ഷണിക്കുന്നതാണ്. സത്യം പറയാമല്ലോ. വിവാഹം ഇന്നെനിക്ക് ഒരു വിദൂരസങ്കല്പം മാത്രമാണ്. ''അങ്ങനെയാണെങ്കില് സജീദ് ഖാനുമായുള്ള നിങ്ങളുടെ ബന്ധത്തിന്റെ സ്വഭാവം?'' ഞങ്ങളെപ്പോലുള്ള നടിമാര് ഒരു പുരുഷനോട് സംസാരിച്ചുപോയാല് അതൊരു പ്രണയമായി.... പിന്നെ അവിഹിത ബന്ധമായി ..... സത്യം പറയട്ടെ സജീദ് എന്റെ ഒരു ഉറ്റസുഹൃത്താണ്. ഞങ്ങള് പരസ്പരം മനസുതുറന്ന് സംസാരിക്കാറുണ്ട്. അത്രതന്നെ. എന്താ അങ്ങനെ സംസാരിച്ചുകൂടേ? ഞങ്ങള് ഇരുവരും മുതിര്ന്നവരല്ലേ?'' ജാക്വിലിന് ചോദിക്കുന്നു. ജാക്വിലിന് അഭിനയിച്ച മര്ഡര്-2 എന്ന സിനിമയ്ക്കു ശേഷം കണ്ടമാനം ചാന്സുകള് ലഭിക്കുന്നുവെന്നാണ് ഇവര് പറയുന്നത്. ''ഗ്രൂപ്പ് ഡാന്സ് എനിക്ക് ഇഷ്ടപ്പെട്ട ഒന്നാണ്. ഇത്തരം ധാരാളം ചാന്സുകള് എന്നെത്തേടി വരാറുണ്ട്. പക്ഷേ ഈ ഡാന്സില് മാത്രം ഒതുങ്ങിക്കൂടാന് ഞാന് തയാറല്ല.'' ജാക്വിലിന്റെ ആദ്യത്തെ രണ്ടു സിനിമകള് വിജയം കണ്ടെത്താനായില്ല. ഇന്ന് കൈവശം ധാരാളം ചിത്രങ്ങളുണ്ടെന്നാണ് ഇവര് അവകാശപ്പെടുന്നത്. ബോളിവുഡ്ഡില് ഏറെക്കാലം പയറ്റാനായി ഹിന്ദി പഠിക്കുകയാണ്. ഇനി ഒരേ ഒരാഗ്രഹം മാത്രമാണുള്ളത്. വിദ്യാബാലനോടൊപ്പം ഒരു സിനിമയില് അഭിനയിക്കണം.