പ്രിയാമണി സയാമിസ് ഇരട്ടയാകുന്നു

തമിഴ് ചിത്രത്തിലെ അഭിനയത്തിലൂടെ ദേശീയ അവാര്ഡ് നേടിയ പാലക്കാട്ടുകാരിയായ തെന്നിന്ത്യന് സുന്ദരി പ്രിയാമണി വീണ്ടും മാജിക്കിനൊരുങ്ങുന്നു- പ്രിയാമണി സമായിസ് ഇരട്ടയായി അഭിനയിക്കുന്നു. അമീര് ഒരുക്കിയ `പരുത്തിവീരനി'ലൂടെ ഏവരുടെയും ശ്രദ്ധേയിലെത്തിയ താരം വീണ്ടും കൂടുതല് ശ്രദ്ധിക്കപ്പെടാവുന്ന വേഷത്തിലേക്ക്. പരുത്തിവീരന്റെ നേട്ടങ്ങള്ക്കുശേഷം തമിഴ് സ്ക്രീനില് വലിയ ചലങ്ങളുണ്ടാക്കാതിരുന്ന പ്രിയാമണി വീണ്ടും വെല്ലുവിളി നിറഞ്ഞവേഷത്തില് ആ ഇടവേള തീര്ക്കാന് തന്നെയാണ്. അതും മൂന്നു ഭാഷകളില് ഇറക്കുന്ന ചിത്രത്തില് ഡബിള് റോളിലൂടെ. `ചാരുലത' എന്ന് പേര് നല്കിയ ചിത്രം കന്നട, തമിഴ്, തെലുങ്ക് എന്നീ ഭാഷകളിലാണ് ഇറക്കുന്നത്. തായ് ഹൊറര് ചിത്രമായ `എലോണ്'ന്റെ റീമേക്കായ് എത്തുന്ന ഇത് കെ. ഭാഗ്യരാജ്, കെ.എസ് രവികുമാര് എന്നിവരുടെ അസിസ്റ്റന്റായി വര്ക്ക് ചെയ്തിട്ടുള്ള പൊന് കുമാരനാണ് സംവിധാനംചെയ്യുന്നത്. ആദ്യം കന്നഡയില് ഒരുക്കുന്ന ചിത്രത്തിന്റെ വര്ക്കുകള് പൂര്ത്തിയായതിനുശേഷമായിരിക്കും മറ്റ് ഭാഷകളിലെ നിര്മ്മാണം നടക്കുക. യോഗിഷ് ദ്വര്കിഷ് ആണ് ചിത്രം നിര്മ്മിക്കുന്നത്. ചിത്രം ഇപ്പോള് പോസ്റ്റ് പ്രൊഡക്ഷന് വര്ക്കുകളിലാണ്. ഇതിനുശേഷം തമിഴ് റീമേക്കും പിന്നീട് മലയാളത്തില് ഡബ്ബിഡ് വേര്ഷനും എത്തുമെന്നും റിപ്പോര്ട്ടുകളുണ്ട്. `ഒരു മികച്ച വര്ക്ക് കൈയിലെത്തിയെന്ന് ഞാന് വിശ്വസിക്കുന്നു. അത് കൂടുതല് ഓഡിയന്സിലേക്ക് എത്തിക്കേണ്ടതുണ്ട്. ചിത്രത്തിന്റെ ഷൂട്ടിംഗ് വര്ക്കുകള് പൂര്ത്തിയാക്കിയിട്ടുണ്ട്. ഉടനെതന്നെ തമിഴിന്റെ വര്ക്കുകളും ആരംഭിക്കും. മുഖ്യകഥാപാത്രങ്ങളെ നിര്ത്തി സപ്പോര്ട്ടിംഗ് ആര്ട്ടിസ്റ്റുകളെ തമിഴില്നിന്നുതന്നെ കണ്ടെത്തും'- യോഗിഷ് പറയുന്നു. മലയാളത്തില് ഡബ്ബിംഗ് ആണെന്ന് ഉറപ്പിച്ചുപറയുമ്പോള് തെലുങ്കില് ചിത്രം റീമേക്ക് വേണോ ഡബ്ബിംഗ് വേണോ എന്ന് പൂര്ണമായി തീരുമാനിച്ചിട്ടില്ലെന്ന് യോഗിഷ് കൂട്ടിച്ചേര്ത്തു. ഇതിനുപുറമെ ചിത്രം ഹിന്ദിയില് ഒരുക്കുന്നതിനുള്ള ആലോചനകളും പുരോഗമിക്കുന്നുണ്ട്. റാണി മുഖര്ജിയുമായി സംസാരിക്കുകയും ചെയ്തിട്ടുണ്ട്. ഹിന്ദിയില് എന്തുകൊണ്ട് റാണിയെന്നുചോദിച്ചാല് അവിടെ പ്രാതിനിധ്യമുള്ള മികച്ച നടിയെവേണമെന്നുള്ളതുകൊണ്ട് ആദ്യം റാണിയെയും കാജോളിനേയും പരിഗണിച്ചെങ്കിലും ബോഡി ലാംഗ്വേജില് റാണിയെ തെരഞ്ഞെടുക്കുകയായിരുന്നുവെന്ന് യോഗിഷ് പറയുന്നു. ഏതായാലും പ്രിയാമണിയുടെ ഡബിള് റോള് കണ്ടതിനുശേഷം പ്രേക്ഷകര് പറയും എങ്ങനെവേണമെന്ന്.