വിവാഹം ഉടനെയുണ്ടാകും അനന്യ

വിവാഹം ഉറപ്പിച്ചതു മുതല് അനന്യ ഗോസിപ്പുകളിലാണ്. ആഞ്ജനേയന് എന്ന ബിസിനസ്സുകാരനെ വിവാഹം കഴിക്കാന് പോകുന്നു എന്ന വാര്ത്ത വന്നതു മുതലാണ് അനന്യയെ ഗോസിപ്പുകള് പിന്തുടരുന്നത്. ആഞ്ജനേയന്റെ പുനര് വിവാഹമാണെന്നും, അനന്യയേക്കാള് സൗന്ദര്യം കുറവാണെന്നും രീതിയിലുള്ള പ്രചരണങ്ങള് സോഷ്യല് നെറ്റ് വര്ക്കിംഗ് സൈറ്റുകളില് നിറഞ്ഞു നിന്നിരുന്നു. അനന്യയുടെ വിവാഹം നടക്കില്ലായെന്നും, ആഞ്ജനേയന്റെ വിവാഹം പുനര്വിവാഹമാണെന്ന് അറിഞ്ഞതോടു കൂടി അനന്യയുടെ വീട്ടുകാര്ക്ക് ഇതില് താല്പര്യം ഇല്ലയെന്നുമുള്ള വാര്ത്തകള് പുറത്ത് വന്നിരുന്നു. എന്നാല് ഇതെല്ലാം ശരിയല്ല എന്ന മറുപടിയാണ് അനന്യയില് നിന്നും അറിയാന് കഴിഞ്ഞത്. വീട്ടുകാര് സമ്മതിക്കാത്തതിനാല് അനന്യ ആഞ്ജനേയന്റെ കൂടെയാണ് ഇപ്പോള് താമിക്കുന്നത് എന്ന വാര്ത്തയാണ് അടുത്ത് ഉണ്ടായത്. അതിന് മറുപടിയായി അനന്യ രംഗത്ത് വന്നു. താന് ആഞ്ജനേയനൊപ്പം അല്ല താമസിക്കുന്നതെന്നും, ഈ വിവാഹത്തിന് വീട്ടുകാര്ക്ക് യാതൊരു തരത്തിലുള്ള എതിര്പ്പും ഇല്ലെന്നും, കല്യാണം ഉടന് തന്നെ ഉണ്ടാകുമെന്നും അവര് പറഞ്ഞു. തന്റെ സ്വകാര്യജീവിതത്തില് അഭിപ്രായം പറയുന്ന രീതിയാണ് ഇപ്പോള് സോഷ്യല് നെറ്റ് വര്ക്കിംഗ് സൈറ്റുകള് ചെയ്തുകൊണ്ടിരിക്കുന്നത്. ഇത്തരത്തിലുള്ള പ്രചരണങ്ങള് ആഞ്ജനേയന് ഒരുപാട് ബുദ്ധിമുട്ടുകള് ഉണ്ടാക്കി. ഒരു സെലിബ്രിറ്റി അല്ലാതിരുന്നിട്ടും, ആഞ്ജനേയന് ഇത്തരം കാര്യങ്ങള് ഉണ്ടായത് വിഷമം ഉണ്ടാക്കുന്നത് തന്നെയാണെന്നും നടി പറഞ്ഞു. മററുള്ളവരുടെ സ്വകാര്യജിവിതത്തില് ഇടപെടുന്നതല്ല സോഷ്യല്നെറ്റ് വര്ക്കിംഗ് സൈറ്റുകളുടെ ജോലി. ഇതല്ലാതെ വേറെ ഒരുപാട് നല്ല കാര്യങ്ങളാണ് സോഷ്യല്നെറ്റ് വര്ക്കിംഗ് സൈറ്റുകളിലൂടെ പുറത്ത് വരേണ്ടതെന്നും അനന്യ അഭിപ്രായപ്പെട്ടു. ഗോസിപ്പുകള്ക്ക് യാതൊരു സ്ഥാനവും തന്റെ ജീവിതത്തില് ഉണ്ടായിരുന്നില്ല. എന്നാല് ഇപ്പോള് അങ്ങനെയല്ലെന്നും, പലതരത്തിലുള്ള ഗോസിപ്പുകള് കൊണ്ട് മാനസികമായി തകര്ന്ന അവസ്ഥയിലായിരുന്നു താന് എന്നും നടി പറഞ്ഞു. തനിക്ക് പ്രശ്നങ്ങള് ഉണ്ടായപ്പോള് സിനിമാരംഗത്ത് നിന്നും ആശ്വാസവാക്കുകളുമായി ഒരുപാട് പേര് എത്തിയിരുന്നെന്നും അവര്ക്കെല്ലാം നന്ദി പറയുകയും ചെയ്യാന് അനന്യ മറന്നില്ല. സിനിമയില് വന്നു എന്ന് കരുതി തന്റെ ജിവിതത്തിന് യാതൊരു മാറ്റവും വന്നിട്ടില്ലായെന്നും, എന്നും താന് ഒരു സാധാരണക്കാരി തന്നെയാണെന്നും, അതിനാല് ഇത്തരം ഗോസിപ്പുകള് തനിക്ക് മാനസികമായ പ്രശ്നങ്ങള് ഉണ്ടക്കുകയാണ് ചെയ്തിട്ടുള്ളതെന്നും അവര് അറിയിച്ചു.